 |
| Mbunge wa kuteuliwa na Rais, Anne Kilango Malecela. |
Naibu Waziri wa Afya, Maendeleo ya Jamii, Jinsia, Wazee na Watoto, Dk Hamisi
Kigwangalla aliyasema hayo bungeni alipokuwa akijibu swali la Mbunge wa
Kuteuliwa, Anne Kilango Malecela kutoka CCM.
Katika swali lake, Kilango alitaka kujua mkakati wa serikali wa kutokomeza
ndoa za utotoni kutokana na kukithiri kwa ndoa hizo.Katika majibu yake, Dk
Kigwangalla alisema Mpango Kazi wa Taifa wa Kutokomeza Ukatili dhidi ya
Wanawake na Watoto ulizinduliwa Desemba mwaka 13, 2016.
Alisema katika kukabiliana na changamoto za ndoa za utotoni, serikali
imechukua hatua mbalimbali, ikiwemo kutoa elimu ya malezi chanya kwa wazazi na
walezi ili watambue umuhimu wa kumwendeleza mtoto wa kike.
 |
| Dk. Hamis Kigwangala |
"Elimu hii imetolewa katika halmashauri za wilaya, manispaa na miji 72.
Msukumo umeongezwa zaidi katika kuelimisha familia, wazee wa mila na jamii
kuachana na mila na tamaduni zilizopitwa na wakati za kuoza watoto wa kike
katika umri mdogo.
"Mwaka 2015 serikali ilizindua rasmi kampeni ya kitaifa ya kutokomeza
ndoa za utotoni ambayo iliwataka wadau wote zikiwemo familia kushirikiana
kutokomeza kabisa ndoa za utotoni Tanzania , alieleza Dk Kigwangalla.
Alisema kwa upande wa muundo wa kisera na kisheria, serikali imezifanyia
maboresho sera na sheria ili kumlinda mtoto wa kike dhidi ya ndoa na mimba za
utotoni mfano Sera ya Elimu ya Mwaka 2014 inayoelekeza kutolewa kwa elimu bure
ya msingi kuanzia elimu ya awali mpaka kidato cha nne.
Maboresho mengine ni katika Sheria ya Elimu Sura 353 yaliyopitishwa na Bunge
la 11, ambayo inatoa adhabu ya kifungo kisichopungua miaka 30 kwa mtu yeyote
atakayempa mimba mwanafunzi wa shule ya msingi au sekondari.
Waziri huyo alisema hatua zote hizo zinachukuliwa kutokana na serikali
kutambua kuwa ndoa za utotoni zinawanyima watoto wa kike fursa ya kupata elimu
na hivyo kusababisha umasikini miongoni mwao pindi watakapokuwa watu wazima
kwani wanakosa mbinu mbadala za kujikwamua kiuchumi kwa kutokuwa na elimu.
Post a Comment