 |
| Mwenyekiti wa Halmashauri ya Wilaya ya Kishapu mkoani Shinyanga, Justin Sheka. |
 |
| Madiwani wa Halmashauri ya wilaya ya Kishapu katika moja ya vikao vyao vya Baraza la madiwani. |
 |
| Moja ya miradi ya maendeleo inayoendelea kutekelezwa wilayani Kishapu, ambayo hata hivyo kutokana na uhaba wa fedha imeshindwa kukamilika kwa wakati, hili ni moja ya Jengo katika hospitali ya wilaya ya Kishapu. |
 |
| Huu ni mradi mkubwa wa ujenzi wa kituo cha kisasa cha mabasi wilayani Kishapu ambacho kitakuwa na zaidi ya vyumba 300 vya kibiashara |
OFISI
ya waziri mkuu imeombwa kuruhusu haraka matumizi ya fedha kiasi cha shilingi
bilioni 2.1 za Halmashauri ya wilaya ya Kishapu mkoani Shinyanga ili kuwezesha
kutekelezwa kwa miradi kadhaa ya maendeleo katika halmashauri hiyo.
Hatua
hiyo inafuatia malalamiko ya wakazi wa Kishapu ambao wameanza kuonesha hofu yao
ya kuibwa tena kwa fedha hizo ambazo hapo awali ziliibwa na
baadhi ya watumishi wa halmashauri hiyo ambapo benki ya National Microfinance (NMB) Tawi
la Manonga Shinyanga ilikubali kuzirejesha.
Wananchi
hao wamedai ni takribani miezi sita sasa tangu walipopewa taarifa kupitia
madiwani wao kwamba baada ya juhudi kubwa waliyoifanya serikali na benki ya NMB
walikubali kurejeshwa kwa fedha hizo na zilipangwa kutekeleza miradi
mbalimbali ya maendeleo lakini mpaka sasa hawajaona kazi yoyote ikifanyika.
Akizungumzia hali hiyo mbele ya waandishi wa habari, mwenyekiti
wa Halmashauri hiyo ya Kishapu, Justin Sheka mbali ya kukiri kurejeshwa
kwa fedha hizo aliitupia lawama ofisi ya Waziri Mkuu ambayo kwa kusema ndiyo iliyozuia matumizi
yake mpaka pale itakapotoa kibali chake ili zianze kutumika.
“Ni
kweli hata sisi hili jambo hivi sasa limetuweka katika wakati mgumu,
tulijitahidi kwa kadri ya uwezo wetu na kufanikiwa kurejesha sehemu ya fedha za
wananchi wetu zilizokuwa zimeibwa na baadhi ya watendaji wetu wasio waaminifu,
benki ya NMB ilikubali kutulipa na tayari zipo kwenye akaunti zetu,”
“Fedha
hizi tulizipokea Julai 15, mwaka jana ziliingizwa katika akaunti zetu kwa
sharti la kutotumika kwanza mpaka pale tutakapokuwa tumeandaa bajeti ya
matumizi yake na kupata ruhusa kutoka ofisi ya waziri mkuu ndipo tuanze
kuzitumia, lakini leo ni zaidi ya miezi sita ruhusa hiyo haijatolewa,”
“Pamoja
na kwamba tuliunda ujumbe maalumu kwenda kukutana na waziri mkuu, baada ya
mazungumzo marefu tulielezwa turudi tukasubiri barua itakayotoa ruhusa ya
kutumika kwa fedha hizo baada ya kutekeleza maelekezo yote tuliyopewa ikiwemo
uandaaji wa bajeti ambayo ilipitishwa pia na uongozi wa mkoa wetu,
"Sasa
tunashangaa
zaidi ya miezi sita sasa hatujaruhusiwa ili tuanze kuzitumia, wananchi
wetu wana matatizo mengi, ujenzi wa maabara, maji na hata madawati
mashuleni, fedha zipo zimekaa tu bila ya kutumika, inashangaza, lakini
pia sisi madiwani tupo katika
muda wa mwisho wa kumaliza kipindi chetu hivyo inatuweka katika wakati
mgumu sana,” alieleza Sheka.
Hata
hivyo alisema huenda ucheleweshaji huo unafanywa na watendaji ndani ya ofisi ya
waziri mkuu kwa lengo la kusubiri kumalizika kwa muda wa madiwani waliopo
madarakani hivi sasa ili fedha hizo ziweze kutumika katika kipindi ambacho shughuli
zote za halmashauri hutekelezwa chini ya watendaji wa halmashauri.
“Kwa
kweli binafsi nina wasiwasi mkubwa kucheleweshwa huku hakuna lengo zuri hasa
kwa sisi madiwani tuliopo madarakani hivi sasa, lakini uamuzi huu unaweza kuwa
na madhara makubwa kwa madiwani wa CCM katika uchaguzi mkuu ujao, maana
watapigwa chini baada ya wananchi kutokuona matumizi ya fedha hizo,” alieleza
Sheka.
Kutokana
na hali hiyo mwenyekiti huyo ameiomba ofisi ya waziri mkuu iharakishe kutoa
ruhusa ili fedha hizo zianze kutumika katika utekelezaji wa miradi ya maendeleo
iliyokuwa imepangwa ikiwemo ununuzi wa mitambo mikubwa ya kutengenezea barabara
na kuchimbia visima vya maji na ujenzi wa maabara vinginevyo wananchi hawatawaelewa wawakilishi wao.
Post a Comment