 |
| Kiongozi wa Jumuiya ya Waislamu wa Ahmadiyya mkoani Shinyanga, Shaaban Luseza, akizungumza na waandishi wa habari juu ya maandalizi ya mkutano mkubwa wa kimkoa utakaofanyika mwishoni mwa wiki katika kijiji cha Nsalala kata ya Tinde wilayani Shinyanga. |
JUMUIYA YA WAISLAMU WA AHMADIYYA MKOANI
SHINYANGA INATARAJIA KUFANYA MKUTANO MKUBWA WENYE LENGO LA KUTOA ELIMU KWA
WANANCHI WA MADHEHEBU YOTE JUU YA UMUHIMU WA KUDUMISHA HALI YA AMANI NA UTULIVU
NCHINI PAMOJA NA UMUHIMU WA KUMJUA MWENYENZI MUNGU.
AKIZUNGUMZIA MAANDALIZI YA MKUTANO HUO
UTAKAOFANYIKA MWISHONI MWA WIKI HII KATIKA KIJIJI CHA NSALALA KATA YA TINDE
WILAYANI SHINYANGA, KIONGOZI MKUU WA JUMUIYA HIYO MKOANI SHINYANGA, SHABANI
LUSEZA ALISEMA MAANDALIZI YOTE MUHIMU YAMEISHAKAMILIKA.
ALISEMA MKUTANO HUO UTAHUDHURIWA NA WATU ZAIDI
YA 1,500 KUTOKA SEHEMU MBALIMBALI NCHINI IKIWEMO MIKOA YA JIRANI WAKIWEMO
VIONGOZI WAKUU WA KITAIFA WA JUMUIYA HIYO YA AHMADIYYA NA WA KISERIKALI WAKIONGOZWA
NA KAIMU MKUU WA MKOA WA SHINYANGA, JOHN MONGELLA.
AKIFAFANUA LUSEZA ALISEMA LENGO KUU LA
KUFANYIKA KWA MKUTANO HUO NI KUWAKUMBUSHA WATU JUU YA UMUHIMU WA KUZINGATIA
MAFUNDISHO YA MWENYEZI MUNGU AMBAYO IWAPO YATAZINGATIWA JAMII KWA UJUMLA
ITAWEZA KUISHI KWA HALI YA AMANI NA UTULIVU KAMA INAVYOHIMIZWA MARA KWA MARA NA
VIONGOZI WA KISERIKALI.
PIA ALISEMA KUPITIA MKUTANO HUO, JAMII
ITAELIMISHWA JUU YA DHANA POTOFU DHIDI YA UISLAMU AMBAPO BAADHI YA WATU
WAMEKUWA WAKIHUSISHA DINI HIYO PAMOJA NA VIKUNDI VYA KIGAIDI MFANO WA BOKO
HARAAM, ISIS, AL-SHABAAB NA VINGINE VINGI.
“UKWELI UPO WAZI DINI YA KIISLAMU MISINGI YAKE
MIKUU NI AMANI NA SALAMA, NA INAPINGA VIKALI SUALA LA UMWAGAJI WA DAMU YA MTU
BILA SABABU, HIVYO HAWA WANAOJIITA NA KUANZISHA MAKUNDI YA UGAIDI HAPA DUNIANI
HAWATOKANI NA DINI HII KWANI MWENYEZI MUNGU ANAELEZA WAZI NDANI YA KITABU CHAKE
CHA KUR-AN KWAMBA, ANAYEUA MTU MMOJA NI SAWA NA KUUA WATU WOTE DUNIANI,”
“NA YULE ANAYEMNUSURU MTU MMOJA NI SAWA SAWA NA
KUWANUSURU WATU WOTE DUNIANI, KWA HALI HII MAKUNDI HAYA YANAYOMWAGA DAMU ZA
WATU WASIO NA HATIA HAYANA UHUSIANO WOWOTE NA DINI HII YA MWENYEZI MUNGU, NA
WALA YANACHOKIFANYA HAKIWEZI KUITWA JIHADI YA KUNUSURU DINI,” ALIELEZA LUSEZA.
ALISEMA JIHADI YA KUMWAGA DAMU ZA WATU KWA
KUTUMIA SILAHA MBALIMBALI IKIWEMO KUJILIPUA KWA MABOMU KWA HIVI SASA HAIPO,
BALI JIHADI YA KWELI NI YA KUTUMIA KALAMU NA MANENO MAZURI KWA KUHUBIRI AMANI
NA SALAMA ILI WATU WOTE ULIMWENGUNI WAWEZE KUISHI KWA AMANI.
"MTU YE YOTE ASIYEKUWA NA IMANI YA MUNGU, NI WAZI ANAWEZA KUBASHA UBAYA WOWOTE ULE KWA VILE HAKUNA ANAYEMUOGOPA, TUNAAMINI KUPITIA MADA MBALIMBALI ZITAKAOWAKILISHWA KATIKA MKUTANO WETU HUU, WATU WENGI WATAELEWA JUU YA UMUHIMU WA KUDUMISHA AMANI HAPA NCHINI, NA NI WAZI ALIYESHIBA NENO LA MUNGU SIYO RAHISI KWAKE KUTENDA VITENDO VIOVU," ALIELEZA LUSEZA.
Post a Comment