 |
| Mbunge wa viti maalumu kwa tiketi ya CHADEMA, Rachel Mashishanga akiwahutubia wakazi wa kata ya Ndala katika mkutano wa hadhara ulioitishwa na chama hicho kuwashukuru wakazi hao kwa kuwachagua wagombea wa CHADEMA katika uchaguzi wa serikali za mitaa. |
 |
| Mbunge Mashishanga akipokea kadi kutoka kwa mwanachama wa CCM, Mohamed Abdalah baada ya kuamua kujiunga na CHADEMA kutokana na kuvutiwa na hotuba nzuri ya Mbunge Mashishanga. |
 |
| Sehemu ya umati wa wakazi wa Ndala waliohudhuria mkutano huo wakimsikiliza mbunge Mashishanga. |
 |
| Diwani wa kata ya Ndala, Sungura George Kigosi akiwasalimia wananchi. |
 |
| Baadhi ya wajumbe wa kamati za serikali za mitaa kwa tiketi ya CHADEMA kata ya Ndala wakiwasalimia wananchi. |
CHAMA
Cha Demokrasia na Maendeleo (CHADEMA) mkoani Shinyanga kimetoa wito kwa wakazi
wa mkoa huo kujitokeza kwa wingi katika kujiandikisha kwenye daftari la wapiga
kura wakati kazi hiyo itakapoanza ili wapate fursa ya kupiga kura ya kuikataa
katiba iliyopendekezwa na wabunge wa CCM.
Wito
huo umetolewa na mbunge wa viti maalumu kwa tiketi ya CHADEMA, Rachel
Mashishanga alipokuwa akiwahutubia wakazi wa kata ya Ndala manispaa ya Shinyanga katika
mkutano wa hadhara ulioitishwa kwa ajili ya kuwashukuru wakazi wananchi kwa kukiwezesha CHADEMA
kuwa chama tawala katika kata hiyo.
Mashishanga
alisema ni muhimu kwa kila mkazi wa Shinyanga aliyekerwa na kitendo cha wabunge
wa CCM kutupilia mbali maoni yao yaliyokusanywa na Tume ya Jaji Joseph Warioba
juu ya katiba mpya wanayoitaka na badala yake kuingiza mambo ambayo yatachangia
kwa kiasi kikubwa kuendelea kwa vitendo vya kifisadi hapa nchini.
Alisema
si
vizuri kukaa wakilalamika na kupiga kelele kuilalamikia serikali
iliyopo
madarakani hivi sasa na badala yake wahakikishe wanatoa fundisho jingine
kwa Chama cha Mapinduzi (CCM) baada ya kuwaadhibu katika uchaguzi wa
serikali
za mitaa katika maeneo mengi ya miji nchini ni kuikataa katiba
iliyopendekezwa
kupitia sanduku la kura.
“Ndugu
zangu pamoja na kutoa shukrani zetu za dhati kwa uamuzi mgumu mlioufanya wakati
wa uchaguzi wa serikali za mitaa kwa kuwapiga chini wagombea wa CCM na
kuwachagua wale wa CHADEMA, lakini niwaombe jambo moja muhimu nalo si jingine
bali ni la kujiandikisha kwa wingi kwenye daftari la kudumu la wapiga kura,”
“Mtakapojiandikisha
mtakuwa mmepata fursa ya kuikataa katiba iliyotupilia mbali maoni yenu, maana
mambo yote muhimu mliyopendekeza kwa mstakabali wa taifa lenu, wenzetu wa CCM
wameyatupilia mbali na kuweka yale yanayojari maslahi yao binafsi, hivyo dawa
ni kupiga kura za hapana kwa wingi,” alieleza Mashishanga.
Katika
hatua nyingine alitoa wito kwa wenyeviti wote wa mitaa waliochaguliwa kwa
tiketi ya CHADEMA kuhakikisha wanatekeleza majukumu yao kwa wananchi
waliowachagua bila ya kuwawekea vikwazo vyovyote ikiwemo tabia iliyokuwa
ikifanywa na wenyeviti wa CCM ya kuwatoza fedha wananchi pale walipohitaji
huduma ya kupigiwa mhuri hati mbalimbali.
“Natoa
wito kwa wenyeviti wote wa mitaa wanaotokana na CHADEMA hakikisheni mnatekeleza
majukumu yenu kwa kuwatumikia wananchi bila visingizio vyovyote vile, tusisikie
mnaomba fedha, tukipata habari hatutosita kuwaondoa madarakani mara moja,
eleweni waajiri wenu ni hawa wananchi, sasa timizeni wajibu wenu kwao,”
“Lazima
muonesha tofauti kati ya wenyeviti wa CCM na wale wa CHADEMA, na ndugu zangu
wananchi msipate hofu yoyote kuwafichua wenyeviti wenu mtakaowaona hawatimizi
wajibu wao kikamilifu, tupeni taarifa tuwachukulie hatua, lakini mkiona
na sisi tunafanya longolongo, itisheni mkutano mkuu wa kata wapigeni chini mara moja,
CHADEMA hatulei uzembe.” alisisitiza Mashishanga.
Katika hatua nyingine mmoja wa wanachama wa Chama cha Mapinduzi (CCM), Mohamed Abdalah aliyekuwa amehudhuria katika mkutano huo wa hadhara aliamua kujitoa CCM na kujiunga papo hapo na CHADEMA hali iliyoamsha shamra shamra kwa wananchi waliokuwa kwenye mkutano huo, ambapo mbunge Mashishanga alimpongeza kwa uamuzi wake wa busara.
Post a Comment