CCM YAWASHIKA PABAYA CHADEMA ARUSHA!!!!

Aliyekuwa Mwenyekiti wa Chama cha Demokrasia na Maendeleo (CHADEMA) wilaya ya Ngorongoro ndugu Revocatus William Parapara (kulia) amejiondoa kwenye Chama hicho na kujiunga na Chama Cha Mapinduzi (CCM).

Ndugu Parapara amefanya maamuzi hayo katika mkutano wa hadhara, eneo la Wasso, Loliondo ambao umehutubiwa na Ndugu Abdulrahman Kinana ambaye ni Katibu Mkuu wa CCM wa Taifa ambaye anaendelea na ziara yake katika Mkoa wa Arusha.

Ndugu Revocatus Parapara mekuwa Kiongozi Mwandamizi wa Chadema katika wilya ya ngorongoro kwa Miaka zaidi ya 10. Na katika mkutano huo ndugu Parapara amesema hawezi kuendelea kushiriki kupanda mbegu ya ubaguzi ambayo inaendelea kumea katika Chama Chake cha zamani cha CHADEMA.

Wakati Parapara akichomoka CHADEMA nyuma yake pia amefuatiwa na aliyekuwa Makamu Mwenyekiti wa Baraza la Wanawake CHADEMA (BAWACHA) Bi. Elinami Limbali amekihama Chama hicho akiongozana na Mwenyekiti wake wa Wilaya na wote wamejiunga na CCM hali inayoonesha CCM wameanza kuramba turufu zenye mtaji katika Jimbo la Arusha.

Wakati wa kujiunga kwao na CCM viongozi hao waliokuwa wafuasi wazuri wa CHADEMA walidai hatua yao hiyo inatokana na kuchoshwa na sera za kuhamasisha vurugu badala ya maendeleo zinazofanywa na CHADEMA, na kwamba zinapotokea vurugu watoto na akina mama ndio hupata tabu.