LAHAULAAAA!! USIOMBE KUKUTANA NA HAWA WATOTO!!! NI BALAA KWA SMG NA AK47!!

Sehemu ya kundi la watoto waliongizwa Jeshini huku Sudan ya Kusini.

UNICEF: Watoto Sudan K wangali wanatumiwa vitani.

Mustakbali wa watoto nchini Sudan Kusini umesalia mashakani hasa kwenye majimbo ya Upper Nile na Unity kutokana na watoto kuendelea kutumiwa vitani.

Hiyo ni kwa mujibu wa shirika la kuhudumia watoto la Umoja wa Mataifa, UNICEF. UNICEF inasema watendaji wake pamoja na wadau walioko eneo hilo wameripoti ongezeko la uandikishaji watoto jeshini mwezi uliopita kunakofanywa na serikali na kikundi cha Johnson Olomi.

Mwakilishi wa UNICEF huko Sudan Kusini Jonathan Veitch amesema utumikishaji watoto hawajaachiliwa huru licha ya maombi ya kutaka pande hizo zifanye hivyo.

Amesema watoto wanaoshikiliwa wanaruhusiwa kwenda nyumbani mchana lakini jioni ni lazima warejee kambini. Ameongeza kuwa, "uchunguzi kuhusu masaibu ya watoto imekuwa vigumu kutokana na vitisho dhidi ya watu na mashirika yanayojaribu kufuatilia hali ilivyo.

Amesema takwimu zinaonyesha kuwa idadi ya watoto waliotekwa huko Unity na Upper Nile mwezi uliopita inafikia mamia kwa mwezi uliopita.

UNICEF imekumbusha serikali na upinzani Sudan Kusini kuwa utumikishaji watoto jeshini ni ukiukwaji mkubwa wa haki zao za msingi na kwamba warejelee makubaliano waliyosaini ya kuacha kutumikisha watoto.

Source: Iran Swahili Radio.