 | ||
 |
Mratibu wa mashindano hayo Asela Magaka kupitia kampuni yake ya Asela Promotions alisema kabla ya shindano la Miss Shinyanga litakalofanyika Juni 28, mwaka huu katika ukumbi wa NSSF mjini Kahama patakuwepo na shindano la kumtafuta Miss Shinyanga Talent litakalofanyikia mjini Shinyanga siku ya Jumatano.
Asela alisema mashindano ya mwaka huu yataendeshwa kwa mtindo tofauti katika vigezo vya kumpata Miss Shinyanga kinyume na ilivyozoeleka huko nyuma ambapo ili mrembo aweze kushinda ni lazima akidhi vigezo kadhaa ikiwemo kuonesha ubunifu wa ziada na jinsi gani atakavyoweza kuisadia jamii.
Warembo watakaoshiriki katika mashindano hayo ni pamoja na Aisha Ally, Pendo Maxmillian na Grace Kimaro wote kutoka Shinyanga mjini, Neema Kakimpa, Lawrencia Mathew, Rose Kibualy na Rocky Bangili kutoka Kahama.
Wengine ni Jackline Mtalemwa, Rachel Mushi na Joyce Ringo kutoka Shinyanga vijijini, Sofia Joseph, Jackline Jackson na Nyangi Warioba kutoka halmashauri ya Msalala, Mary Emmanuel, Jackline Kimambo na Khadija Nyanda kutoka halmashauri ya Ushetu.
Wilaya ya Kishapu inawakilishwa na Rukia Samir, Nilamu Abdul, Nicole Sarakikya na Irene Ahmed ambapo Asela alisema anaamini kwa jinsi alivyowaandaa warembo wake mkoa wa Shinyanga kwa mwaka huu mmoja wao ndiye atakayeibuka na ushindi wa kuwa Miss Tanzania 2014.
“Kwa jinsi nilivyowaandaa mabinti wangu naamini Miss Tanzania 2014 atatoka Shinyanga, na hii itauletea mkoa wetu sifa na kuutangaza hadi katika nyanja za kimataifa. Kauli mbiu ya mashindano haya kwa mwaka huu ni, Urembo, Sanaa na Jamii,” alieleza Asela.
Asela alisema mashindano hayo yataenda pamoja na burudani kutoka kwa wasanii mbalimbali wa hapa nchini na mmoja kutoka nchi jirani ya Kenya, Kikundi cha Amani na Mzee Yussuf kutoka jijini Dar es salaam na kundi la MO Music la mjini Shinyanga ambao wataburudisha mjini Kahama na Aisha Mashauzi atatoa burudani yake katika shindano la kumsaka Miss Shinyanga Talent jumatano mjini Shinyanga.
Post a Comment