 |
| Khamis Mgeja katika moja ya mikutano ya kampeni kipindi cha uchaguzi mkuu - 2015. |
MMOJA wa
makada wa Chama cha Demokrasia na Maendeleo (CHADEMA) na aliyewahi kuwa
mwenyekiti wa CCM mkoani Shinyanga, Khamis Mgeja amewaomba watanzania kumsamehe
mjumbe wa Kamati Kuu ya CHADEMA Taifa, Edward Lowassa kwa kushindwa
kuwatembelea kutokana na kuwa katika kifungo cha kisiasa.
Akizungumza kwa na wanachama wa CHADEMA wa kata ya Tumbi manispaa ya Tabora, Mgeja alisema baadhi ya watanzania wengi hivi sasa
wanamlaumu, Lowassa kwa kushindwa kuwatembelea na kufanya mikutano ya hadhara
na kuhisi ameanza kufilisika kisiasa hivi sasa.
 |
| Edward Lowassa - Waziri mkuu mstaafu ambaye hivi sasa ni mjumbe wa Kamati Kuu ya CHADEMA Taifa |
Mgeja alisema ukimya wa Lowassa na viongozi
wengine wa vyama vya upinzani nchini unachangiwa kwa kiasi kikubwa na maamuzi
ya serikali ya awamu ya tano inayoongozwa na CCM chini ya Rais Dkt. John
Magufuli kupiga marufuku mikutano yote ya hadhara ya wanasiasa.
 |
| Khamis Mgeja akisisitiza jambo katika moja ya vikao vya CHADEMA. |
“Binafsi naomba niwatake radhi watanzania wenye
mapenzi na imani ya mheshimiwa Lowassa (Edward) ambaye hivi sasa ameshindwa
kukutana na wananchi na kuwahutubia kupitia mikutano ya hadhara kwa lengo la
kuwahabarisha mambo mbalimbali yanayohusiana na mstakabali wa kisiasa hapa
nchini,”
“Zuio la mikutano ya kisiasa lililotolewa na
Rais Dkt. Magufuli limesababisha Lowassa ashindwe kwenda kuwashukuru watanzania
zaidi ya milioni sita waliokuwa wamempiga kura katika uchaguzi mkuu uliopita,
nawaomba watanzania wamsamehe kwa vile ameshindwa kutokana na kifungo hicho cha
kisiasa,” alieleza Mgeja.
Alisema pamoja na kifungo hicho ambacho ni
kuminya uhuru wa kidemokrasia nchini bado Lowassa ana imani kubwa na watanzania
na alipenda kutembea nchi nzima kuwashukuru kwa heshima kubwa waliyoionesha
kwake na vyama vya upinzani kupitia umoja wao wa UKAWA.
“Binafsi naamini mheshimiwa Lowassa kamwe
hatochoka kuwasemea wananchi kuhusiana na kero zinazowakabili katika maeneo yao
na anaamini viongozi wa serikali ya awamu ya tano chini ya Rais Dkt. Magufuli
watazisikia na kuzifanyia kazi,”
“Vyama vya upinzani vilivyopo chini ya UKAWA
vinapenda kufanya mikutano ya hadhara katika maeneo mengi hapa nchini kwa lengo
la kukutana na wananchi kusikiliza kero zao na kukosoa pale ambapo serikali
inaonekana kushindwa kutekeleza wajibu wake, lakini kifungo cha kisiasa kinavizuia
kutekeleza haki yao ya kidemokrasia,” alieleza.
Kwa upande mwingine Mgeja alieleza masikitiko
yake kuona wakati serikali imevizuia vyama vya siasa kufanya mikutano ya
kisiasa chama tawala kinatumia mlango wa nyuma kuendesha siasa katika maeneo
mbalimbali kwa kisingizio ni mikutano inayohutubiwa na viongozi wa kiserikali.
“Kinachofanyika hivi sasa ni viongozi wa CCM
kuendelea na siasa, wanajificha nyuma ya migongo ya watendaji wa serikali,
mfano kuambatana na wakuu wa mikoa, wilaya na wakati mwingine wanaambatana na
waziri mkuu au misafari ya Rais mwenyewe, huko wanafanya siasa,”
“Ukweli hali hii inaonesha wazi kwamba kama
taifa hivi sasa tumefikia pabaya kwa mstakabali wa nchi yetu, na tusipokuwa
makini ipo hatari ya kutokea mgawanyiko miongoni mwa watanzania, nafikiri ni
wakati muafaka wa kuliombea taifa letu ili lirudi kwenye hali yake ya zamani,”
alieleza Mgeja.
Hata hivyo Mgeja aliwaomba watanzania kuunga mkono mabadiliko chini ya UKAWA kwani yana manufaa makubwa kwa wananchi bila ya kukata tamaa na wawe wajasiri kudai haki zao za msingi.
Post a Comment