 | |
| Mkuu wa wilaya ya Shinyanga, Josephine Matiro kwa niaba ya mkuu wa mkoa wa Shinyanga akimkaribisha Naibu waziri Luhaga Mpina mkoani Shinyanga ambapo pia alisoma taarifa fupi ya mkoa. |
NAIBU waziri
wa Nchi Ofisi ya Makamu wa Rais Mazingira na Muungano, Luhaga Mpina
amewapongeza viongozi wa serikali wilayani Shinyanga kwa jinsi wanavyosimamia
kikamilifu suala la usafi na utunzaji wa mazingira na kuufanya mji wa Shinyanga
kuonekana katika hali ya usafi.
 |
| Naibu waziri Luhaga Mpina akikagua ghuba eneo la Soko la Nguzo nane Manispaa ya Shinyanga. |
 |
| Naibu waziri Mpina akizungumza na sehemu ya wafanyabiashara wa Soko la Nguzo nane - Shinyanga, kulia kwake ni mkuu wa wilaya ya Shinyanga, Josephine Matiro. |
 | |
| Naibu waziri Mpina akikagua maeneo ya Soko la Nguzo Nane wakati wa ziara yake ya kukagua hali ya mazingira katika manispaa ya Shinyanga |
 |
| Hapa ni katika machinjio ya Shinyanga mjini. |
Mpina alitoa
pongezi hizo juzi baada ya kumaliza ziara siku mbili ya kuutembelea mkoa wa
Shinyanga kwa lengo la kukagua hali ya usafi na utunzaji wa mazingira katika
maeneo mbalimbali ya mkoa huo ikiwemo viwanda vikubwa vinavyomilikiwa na
wawekezaji wa kigeni.
Alisema
baada ya kutembelea maeneo ya mji wa Shinyanga ameridhishwa na hali ya usafi
aliyoiona na kuwapongeza viongozi wake chini ya usimamizi wa mkuu wa wilaya
hiyo, Josephine Matiro ambapo alisema viongozi wa maeneo mengine wanapaswa
kwenda kujifunza katika wilaya hiyo.
Alisema
katika ukaguzi wa maeneo mbalimbali ya mji huo ikiwemo machinjio ya manispaa,
maghuba na madampo kunakohifadhiwa taka ngumu amekuta hali ya usafi inaridhisha
tofauti na maeneo ya wilaya nyingine alizokwisha zitembelea.
“Kwa kweli
nichukue fursa hii kuwapongeza viongozi wa serikali kwa kazi nzuri mnayoifanya
kuhusu suala zima la usafi, nimeridhishwa na hali ya usafi na utunzaji wa
mazingira katika wilaya yenu, pamoja na mapungufu ya hapa na pale lakini ukweli
mji wenu ni msafi, hata maeneo ya machinjio ni tofauti na kwingine,”
“Lakini pia
wenzetu mmekwenda mbali zaidi, maana mmenieleza tayari mmejiwekea utaratibu na
kukubaliana kufanya usafi kila jumamosi ya kila wiki badala ya mwezi mara moja
kama tulivyokubaliana kitaifa, na tayari mmesema mnazo sheria ndogo
zinazohusiana na suala la usafi na utunzaji wa mazingira, hongereni sana,”
alieleza Mpina.
 |
| Naibu waziri Mpina akipata maelezo kutoka kwa bwana afya wa Manispaa, (hayupo pichani) katika eneo la dambo linalotumika kutupia taka zinazokusanywa kutoka katika maguba. |
Kwa upande
mwingine Mpina alisisitiza suala la upandaji wa miti ili kukabiliana na hali ya
mabadiliko ya hali ya hewa ambayo yameanza kujitokeza katika maeneo mengi na
kusababisha majanga ikiwemo ukame na mafuriko na baadhi ya maeneo kugeuka kuwa
jangwa.
Mpina
alisema hata ndani ya Ilani ya uchaguzi ya Chama cha Mapinduzi (CCM) ya mwaka
2015 – 2020 inaelekeza suala la uhifadhi na utunzaji wa mazingira lengo ni
kutaka kuirudisha nchi katika hali nzuri na kupunguza hewa chafu (carbon
dioxide) inayotishia kuenea katika maeneo mengi.
“Nawaombeni
sasa tuhamishie nguvu zetu katika suala zima la upandaji miti, tupande miti
kama wendawazimu, mikoa ya Shinyanga, Dodoma, Singida na Simiyu ina uhaba mkubwa
wa miti kutokana na wananchi wake kuikata ovyo, tusifanye mchezo, asilimia 61
ya maeneo ya nchi yetu yapo katika hatari ya kugeuka jangwa,” alieleza Mpina.
Post a Comment