 |
| Hassan Athuman Fatiu akisisitiza jambo mbele ya waandishi wa habari (hawapo pichani) |
MWANASHERIA
kutoka Kampuni ya Fatiu Advocate & Co. ya Jijini Dar es Salaam, Hassan Athumani Fatiu
amejitosa rasmi kuomba kugombea ubunge katika jimbo la Shinyanga mjini.
Fatiu
ametangaza nia hiyo mjini Shinyanga na tayari amechukua rasmi fomu kwa ajili ya
kugombea ubunge katika hilo kwsa tiketi ya Chama cha Mapinduzi (CCM) ambapo
anasema uamuzi wake huo umesukuwa na nia ya dhati ya kutaka kuwatumika wakazi
wa Shinyanga mjini.
Akizungumza
na waandishi wa habari mjini Shinyanga, Fatiu alisema kwa miaka mingi Jimbo la
Shinyanga halijawahi kupata mbunge mwenye nia na uzalendo wa dhati wa
kuwatumikia wananchi wa jimbo hilo hali ambayo imechangia wakazi wake waendelee
kuishi katika maisha duni.
 |
| Hassan Athuman Fatiu (anayecheka) akiwa pamoja na waandishi wa habari wakati akitangaza rasmi kuchukua kwake fomu za kugombea ubunge katika jimbo la Shinyanga mjini. |
Alisema
pamoja na kwamba anatoka katika moja ya familia duni zilizopo katika kata ya
Katingali manispaa ya Shinyanga akiwa ni mmoja wa watoto wa muuza kahawa
maarufu mjini humo lakini anaamini elimu aliyonayo itamwezesha kuwatumika vyema
wakazi wa Shinyanga.
Fatiu
ambaye kwa sasa ni mmoja wa wakazi wa Kitangili waliofanikisha kata hiyo kuweza
kupata umeme kutoka Shirika la Ugavi wa umeme nchini TANESCO anasema maendeleo
yoyote ya kweli yanapaswa kuletwa na watu wenye moyo wa uzalendo wa kweli.
Alisema
ili maendeleo ya kweli yaweze kupatikana katika eneo lolote lile ni muhimu
pawepo viongozi wenye moyo wa kizalendo na wenye nia ya dhati ya kuwatumikia
wananchi badala ya kutanguliza mbele maslahi binafsi.
“Uzoefu unatuonesha kwamba watu wengi wa ngazi
ya chini hawana watu wa kuwasemea huko juu kwa dhati, na hata kama wanapokuwepo
basi hawana ule uzalendo wa dhati na nia thabiti, hii ndiyo sababu
iliyonisukuma kuomba kugombea ubunge katika jimbo letu,”
“Jimbo
la Shinyanga halijawahi kupata mzalendo wa kweli, halijapata mzalendo wa dhati
mwenye nia ya kuwatumikia wananchi, mimi nimeweza kuisaidia kata yangu ya
kitangili nikiwa siyo diwani wala kiongozi wa ngazi yoyote bali kiongozi wa
kikundi kidogo tu cha kijamii, sasa nataka niongeze wigo,” alieleza.
 |
| "Nina dhamira ya dhati ya kugombea ubunge kwenye jimbo hili la Shinyanga mjini," |
Fatiu
alisema iwapo chama chake cha CCM kitampa ridhaa ya kupeperusha bendera ya CCM
katika uchaguzi mkuu wa Oktoba 25, mwaka huu anaamini ataibuka na ushindi
mkubwa dhidi ya wagombea kutoka vyama vya upinzani.
Alisema
anagombea ubunge akitokea katika familia duni kabisa na hana ufahali wowote wa
kifedha bali na ufahari wa kizalendo na nia ya dhati ya kuwatumikia wananchi wa
jimbo la Shinyanga ndiyo uliomsukuma kugombea nafasi hiyo ya ubunge.
“Ninao
uwezo kutokana na ujana wangu na elimu yangu niliyonayo, hivyo naamini
nitawatumikia vizuri wananchi watakaonichagua, na kwa sasa siwezi kutaja
vipaumbele vyangu kwa vile itategemea ilani ya uchaguzi ya chama changu itakuwa
imeelekeza vipaumbele vipi,”
“Hata
hivyo moja ya vipaumbele vyangu binafsi kama mbunge nitakavyopigania ni suala
la kupiga vita mauaji ya kikatili ya vikongwe na walemavu wa ngozi na nitatumia
ofisi yangu ya uanasheria kumaliza migogoro ya ardhi katika jimbo langu ambayo
pia ni moja ya chanzo cha mauaji ya kikatili,” alieleza Fatiu.
Post a Comment