 |
| BAADHI YA MADIWANI WA UDP NA CCM WALIOHAMIA CHADEMA WAKONESHA KADI ZAO ZA CHADEMA |
Siku moja baada
ya Madiwani 10 CCM, pamoja na UDP kutimkia Chadema katika wilaya ya
Bariadi Mkoani Simiyu, jana Chama hicho kimepokea madiwani wengine 9 kutoka chama cha United Democratic Party (UDP) katika jimbo la
Itilima mkoani hapa.
Madiwani hao
walidai kuwa sababu za kujiunga na chama cha democrasia na maendeleo (CHADEMA)
ni kutokana na chama chao za zamani UDP kukosa kiongozi makini ambaye
anaweza kukisimamia chama hicho.
Madiwani hao
wakiongea katika mkutano wa chadema uliofanyika katika kijiji cha Luguru
wilayani Itilima walisema kuwa chama hicho kimekosa mvuto wa kisiasa wakuweza
kushindana na vyama vingine vya siasa pamoja na kutokuwa na uongozi mzuri wa
chama hicho.
Mmoja wa
madiwani waliotoka UDP na kuhamia chadema Nicodemas Athumani alisema kuwa
amefikia uamuzi huo wa kuhama chama ni kutokana na chama hicho kuwa hakina
viongozi makini ambao wanaweza kuleta mabadiliko ndani ya chama hicho.
“Tumeamua
kuhama chama kutokana na kukosa viongozi ambao wanasimamia maslahi ya chama
hata ukiangalia tulikosa hata wagombea kwenye serikali ya mitaa wananchama wote
walikataa kugombea na matokeo yake chama kilishindwa kusimamisha wagombea
kwenye uchaguzi huo”Alisema Athumani.
Waliorudisha
kadi na kujiunga na chadema ni pamoja na Mbuke Mlyandengu viti maalumu kata ya
Nhobora(udp),Luli Tabulo viti maalumu kata ya Luguru(udp),James Kidayi diwani
wa kata ya Chinamili (udp),Ntundu ntemi diwani kata ya Mbita (UDP).
Wengine ni
Nicodemus Athumani diwani wa kata ya Mhunze (UDP),Kilinga Mayani diwani wa kata
ya Ikindilo (UDP),Kinda Nindwa diwani wa kata ya Ndoleleji (UDP),Tano Butamane
diwani wa kata ya Mwamtani (UDP)pamoja na Jackson Scania diwani wa kata ya
Kinang’weli (CCM).
Akiwakabidhi
kadi madiwani hao katibu wa chadema wilaya ya Itilima Gimbi Masaba alisema kuwa
wanachama waliopo katika chama cha mapinduzi msiwachukie bali tuwapende kwani
ipo siku na wao watahamia na kujiunga na jeshi la ukombozi.
Gimbi alisema
wananchi wanatakiwa kufanya siasa za amani ambazo zinalenga kuleta mahusiano
baina ya wanachama wa vyama vyote ili kuweza kuepuka siasa za chuki baina ya
wakeleketwa wa vyama vya siasa.
“Tunawapokea
wananchama hawa ambao wametoka chama cha UDP na kujiunga na gari la
ukombozi ila tusiwachukie wanachama waliopo katika vyama vingine na tutaendelea
kuwapokea na wao wasione aibu waje kujiunga na jeshi la ukombozi la
chadema”Alisema Samba.
Kwa upande wake
Mtangaza nia wa ubunge jimbo hilo Martin Magile aliwataka wananchi na wanachama
wa chadema kuwaunga mkono waliotangaza nia kugombea nafasi mbalimbali za
uongozi ili kuweza kuleta umoja na nguvu ili kuwashinda chama cha mapinduzi.
Alisema kuwa
lazima tuwe wamoja katika kuleta mapinduzi kutoka kwa mafisadi wa ccm na kwamba
tumekuwa tukinyanyswa na ccm kwani fursa zote wanazichukua zote na kwamba
wanahitaji mabadiliko ili rasilimali za nchi ziweze kunufaisha kila mtamzania.
Jumla ya madiwani 18 UDP katika majimbo mawili ya Itilima na Bariadi
Magharibi wamehama chama hicho na kuhamia chedema na kukiweka katika njia panda
chama hicho kwa kukosa madiwani katika kata hizo.
Chanzo: Simiyu Yetu blog.
Post a Comment