HAAAA!!! SAUDIA WAGOMEA TUMBILI WA SWEDEN!!! - HUKO VATICAN NAKO MHHUUU!!! WAMKATAA BALOZI MPENDA TIGO!!!!

AINA YA TUMBILI WA SWEDEN WALIOKATALIWA

Saudi Arabia imekatalia mbali tumbili wanne kutoka Sweden kufuatia tofauti za kidiplomasia.

Tumbili hao wanne ambao ni kutoka jamii ya Amazonia ya tumbili wadogo zaidi duniani walikuwa msaada kutoka hifadhi ya wanyama ya Skansen iliyoko Stockholm.

Afisa mkuu wa hifadhi hiyo Jonas Wahlstrom anasema kuwa tumbili hao walikuwa wanapaswa kupelekwa katika hifadhi ya wanyama ya Riyadh.

"hawataki tumbili hao tena kufuatia utata uliopo wa kisiasa'' alisema Wahlstrom.

Mwezi uliopita Saudi Arabia ilimuondoa balozi wake huko Sweden baada ya taifa hilo la bara Uropa kukatiza mkataba wa uuzaji wa silaha kwa himaya hiyo.

Tumbili hao wanauzani mdogo sana wa takriban gramu 100 pekee.

Saudia ilimzuia balozi wa Sweden kuhutubia umoja wa mataifa ya kiarabu

Mwezi uliopita Saudi Arabia ilimzomea waziri wa maswala ya kigeni wa Sweden Margot Wallstrom kwa kuingilia maswala ya ndani ya Saudia.

Saudi Arabia ilikasirishwa sana na matamshi ya balozi huyo hadi ikapiga turufu na kumzuia kuzungumza katika jumuia ya Waarab huko Cairo.

VATICAN NAKO KWAFUKUTA:

Mzozo wa kidiplomasia umezuka kati ya makao makuu ya papa mtakatifu ya the Vatican na Ufaransa kuhusiana na uteuzi wa balozi mpya wa Ufaransa, mjini Rome.

Rais wa Ufaransa Francois Holland, amempendekeza muumini mmoja wa kanisa hilo ambaye ni mpenzi wa jinsia moja kuwa balozi wake mjini Vatican.

Lakini utawala wa Vatican umesema uteuzi huo haukubaliki.

MAKAO MAKUU YA PAPA - VATICAN

Makao makuu ya papa mjini The Vatican hayajasema lolote kuhusiana na uteuzi huo, lakini ni dhahiri kuwa baadhi ya maafisa wakuu katika kanisa hilo hawajakubali msimamo wa papa kuhusiana na waumini wa kanisa hilo ambao ni wapenzi wa jinsia moja.

Papa alinukuliwa akihoji kuwa yeye hawezi kumhukumu mtu yeyote kwa misingi yoyote.

Serikali ya Ufaransa ilimteua laurent Stefanini kuwa balozi wake mjini vatican mnamo mwezi Januari mwaka huu.

Balozi Stefanini mwenye umri wa miaka 55, amekiri hadharani kuwa yeye anashabikia mapenzi ya jinsia moja na amewahi kufanya kazi katika ubalozi huo mjini Roma na amekuwa mshauri wa masuala ya kidini katika wizara ya mambo ya nje ya ufaransa.

Kwa sasa hakuna upande unaoonekana kuwa tayari kubadili msimamo wake.

Ufaransa ilhalalisha ndoa za jinsia moja mwaka 2013 na uamuzi wa The vatican wa kukataa kumkubali balozi Stefanini huenda ikawa ni thibitisho la The vatican la kutoidhinisha msimamo huo wa Ufaransa.

Source: BBC Swahili