 |
| MWENYEKITI WA CHADEMA TAIFA KATIKA MOJA YA MIKUTANO YAKE YA HADHARA MKOANI SHINYANGA |
 |
| Maelfu ya wakazi wa mkoa wa Shinyanga wakiwasikiliza viongozi wa CHADEMA katika mkutano wa hadhara. |
CHAMA
Cha
Demokrasia na Maendeleo (CHADEMA) kimeendelea kusisitiza msimamo wake
wa
kususia zoezi la upigiaji kura katiba inayopendekezwa huku kikiwahimiza
watanzania wasipoteze muda wao kwenda katika vituo vya kupigia kura
ifikapo Aprili 30 mwaka huu badala yake waendelee na shughuli zao kama
kawaida.
Msisitizo
huo umetolewa na mwenyekiti wa CHADEMA Taifa, Freeman Mbowe alipokuwa
akihutubia maelfu ya wakazi wa mji wa Shinyanga na vitongoji vyake katika
mkutano wa hadhara uliofanyika kwenye viwanja vya mahakama ya mwanzo mjini humo
ukiwa na lengo la kutoa elimu ya uraia kwa wananchi.
Hata
hivyo wakati mwenyekiti huyo akiwaomba wananchi kususia upigiaji kura katiba inayopendekezwa amewataka
wananchi wajitokeze kwa wingi kujiandikisha kwenye daftari la kudumu la wapiga
kura na kwamba kupitia sanduku la kura pekee ndiko watakapoweza kufanya maamuzi
sahihi ifikapo Oktoba 25, mwaka huu.
Mbowe
alisema CHADEMA kwa ushirikiano wa vyama vingine vya siasa vinavyotetea katiba
ya wananchi (UKAWA) wametangaza rasmi kususia upigiaji kura ya maoni katiba
inayopendekezwa kwa vile upatikanaji wake haukuzingatia sheria wala kanuni na badala yake
imepindishwa kwa nguvu na Chama cha Mapinduzi (CCM).
Alisema
viongozi wote wa UKAWA baada ya kubaini ukiukwaji wa makusudi uliofanyika ndani
ya bunge la katiba (BMK) wakati wa kuijadili rasimu ya katiba iliyoandaliwa na Tume
ya Jaji Joseph Warioba waliamua kutoka nje na kuacha kushiriki katika mchakato
mzima kwa vile kilichokuwa kikijadiliwa hakikutokana na maoni ya watanzania.
“Baada
ya kubaini maoni ya wananchi mengi yanakataliwa na kutupiliwa mbali tuliona
tusishiriki katika kulinajisi taifa, tukaamua kutoka nje, wao waliamini
tungerudi kwa ajili ya kufuata fedha, hapana tuliona heri tufe maskini kulikoni
kushiriki katika kulichakachua taifa letu,”
“Ndugu
zangu wa Shinyanga katiba inayotungwa siyo ya CHADEMA wala CUF bali ni katiba
itakayoongoza maisha ya taifa letu, kwetu sisi leo, kwa watoto wetu na watoto
wa watoto wetu, hivyo haistahili kufanyiwa mzaha, tulikubaliana bunge hili
lisitishwe baada ya kubainika limekiuka kanuni, sheria na taratibu, lakini
wenzetu waligoma,”
“Sasa
leo wanatangaza kura ya maoni, wanataka tukashiriki kura ya maoni, tumeseme
hatuendi, maana UKAWA tukishiriki ni sawasawa na kwenda kubariki mchakato
uliokuwa haramu, japokuwa wapo wanaolaumu kwamba kususia kwetu kutasababisha
CCM wapige kura ya ndiyo kupitisha katiba hiyo, si kweli,” alieleza Mbowe.
Akifafanua
juu ya sababu za kuwashauri wananchi kususia upigaji kura huo mwenyekiti huyo
alisema hata kama wasioitaka katiba hiyo watakwenda na kupiga kura ya hapana,
bado watakuwa wamehalalisha kuendelea kutumika kwa katiba iliyopo hivi sasa
ambayo pia ina mapungufu mengi na inatokana na CCM.
“Upigaji
wa kura hii una sehemu mbili, ukipiga kura ya ndiyo utakuwa unaikubali ile
iliyoandikwa na Chenge (Andrew) na ukiikataa hiyo ukapiga kura ya hapana, maana
yake unakubali kuendelea na katiba iliyopo ambayo tunasema ni mbovu, hivyo basi
ni vizuri tuwaache wafu wazike wafu wao, msipoteze muda,” alieleza.
Mbowe
alisema mara baada ya serikali itakayoongozwa na UKAWA kuingia madarakani
Oktoba 25, mwaka huu wataharakisha kurejesha mchakato wa katiba ya Jaji Warioba bungeni
ili kuwezesha Taifa kupata katiba ambayo wananchi wameiridhia na siyo lazima
katiba ipatikane sasa chini ya utawala wa Rais Jakaya Kikwete.
Katika
hatua nyingine Mbowe amewaomba wakazi wa mkoa wa Shinyanga wasaidie katika
kuimarisha umoja wa UKAWA pamoja na vyama vya upinzani na kuwataka wananchi
wachache ambao bado wako CCM wasome alama za nyakati na wajiunge na vyama vya upinzani ili
kujenga nchi yao.
“Hiki
kilio na msiba wa watanzania hatuwezi kuumaliza kwa kuiacha CCM madarakani,
nawaomba muimarishe UKAWA na kila mmoja muda ukifika ahakikishe anakwenda
kujiandikisha kwa ajili ya kupiga kura, na niwapongeze vijana
waliozindua kampeni ya kuhamasisha wananchi kujiandikisha nchi nzima, kila
mmoja awe wakala wa kuhamasisha watu kujiandikisha,” alieleza Mbowe.
Post a Comment