 |
| Mkurugenzi wa Shirika la AGAPE, John Myola akitoa salamu zake za mwaka mpya wa 2015 kwa watoto wanaotunzwa na shirika hilo ambao wanachukua mafunzo mbalimbali ikiwemo stadi za maisha katika kituo cha Chuo cha Maendeleo ya Wananchi (FDC) Buhangija Manispaa ya Shinyanga. |
 |
| Semeni basi je! tumependeza au hatujapendezaaaa!!!!? HAPPY NEW YEAR!!! - 2015. |
 |
| Hawa nao hawakuwa nyuma, wanaonekana wakiwa wametulia kwa umakini mkubwa wakifuatilia shamra shamra za kuadhimisha mwaka mpya wa 2015 zilizofanyika katika kituo cha FDC Buhangija Shinyanga. |
 |
| Tunalipongeza Shirika la AGAPE kwa kutukumbuka pia sisi katika kusherehekea mwaka mpya wa 2015, kwa kweli tumefarijika na kujiona na sisi ni miongoni mwa jamii ya watanzania, ndivyo alivyoelezea furaha yake mmoja wa watoto wanaotunzwa na Agape. |
 |
| Mmoja wa watoto wanaotunzwa na kupatiwa mafunzo ya ufundi stadi na AGAPE akionesha ujuzi wake kwa watoto wenzake wakati wa hafla ya kuukaribisha mwaka mpya wa 2015. |
 |
| Mkurugenzi wa AGAPE, John Myola akimzawadia fedha mmoja wa watoto walioshiriki katika hafla ya kuukaribisha mwaka mpya baada ya kufurahishwa na show yake. |
WATOTO
wa kike waathirika wa mimba na ndoa za utotoni wanaotunzwa na Shirika la AGAPE
mkoani Shinyanga wameshauriwa kutojinyanyapaa na kujiona wapweke kutokana na
matatizo yaliyowapata na badala yake wajikite zaidi katika mafunzo wanayopatiwa
na shirika hilo.
Ushauri
huo umetolewa na Mkurugenzi mtendaji wa Shirika la AGAPE, John Myola
alipokuwa akitoa salaam zake za kuuaga mwaka 2014 na kuukaribisha mwaka mpya wa
2015 kwa watoto hao ambapo aliwataka wamshukuru mungu aliyewawezesha kuingia
salama katika mwaka mwingine wakiwa salama.
Myola
alisema badala ya watoto hao kukaa wakijisikitikia kutokana na masahibu
yaliyowapata ni muhimu wakatafakari na kumshukuru mungu aliyewawezesha
waendelee kuishi wakati wapo wengine wengi waliokuwa wamejiandaa kwa mipango
mizuri kuelekea mwaka huu wa 2015 lakini hata hivyo wameaga dunia kabla ya
kuuona mwaka huu.
“Wakati
tukiingia mwaka 2015 tusisikitike na kujiona wanyonge kwa masahibu yaliyotupata, badala yake tukae chini tutafakari ni
vipi wenzetu wengine wameondoka na sisi tuendelee kuishi, tujiulize tumebaki kwa
lipi? Je, ni kwa mabaya au kwa mazuri?, kama ni wabaya basi tujisahihishe kwa
kuangalia matendo yetu ya nyuma ya mwaka uliopita,”
“Kama
ni
wazuri basi tuongeze juhudi zaidi katika utendaji wa shughuli zetu, na
tuelewe kila mwaka mpya unapoanza ni kipindi kizuri cha kujipanga
kuangalia mambo gani ya muhimu tutakayoyatekeleza katika mwaka huo, kwa
upande
wenu lazima mjikite katika kutumia
fursa hii ya kujifunza mafunzo mnayopatiwa hapa,” alieleza Myola.
Kwa
upande mwingine Myola aliwataka watoto hao kujiepusha na uvaaji wa mavazi
yasiyo ya heshima mbele ya jamii na kutoa mfano wa vijana wa kiume
wanaovaa suruali kwa mtindo wa mlegezo wakiaachia wazi sehemu ya makalio yao na
kwamba uvaaji huo unafaa kupigwa vita kwa vile siyo maadili ya
watanzania.
Naye
Ofisa
maendeleo ya vijana katika shirika hilo la AGAPE, Helena Daudi
aliwataka
watoto hao kutokujikatia tamaa ya maisha kwa vile bado wanayo fursa
kubwa ya
kujiendeleza mara baada ya kuhitimu mafunzo mbalimbali wanayofundishwa
hivi sasa ambayo yatawawezesha kujiajiri wao wenyewe baada ya kuhitimu
na kujipatia kipato.
“Pamoja
na kumshukuru mungu kwa kuuona mwaka 2015, niwakumbushe jambo moja muhimu nalo
ni kutokukata tamaa ya maisha baada ya kukatishwa masomo yenu kutokana na mimba
na wengine wazazi wenu kulazimisha kuolewa kwa nguvu, naamini kupitia
fursa hii ya mafunzo mnayopatiwa hapa baadae mtakuwa na matokeo mazuri,”
alieleza Helena.
Shirika
la AGAPE linaendesha mradi wa kupiga vita vitendo vya mimba na ndoa za utotoni
mkoani Shinyanga kwa ufadhili wa Shirika la kimataifa la terre des hommes la nchini Netherlands ambapo mradi huo
umelenga kuwakomboa watoto wa kike zaidi ya 700 waliokatishwa masomo yao katika wilaya za Kishapu, Shinyanga na Kahama.
Post a Comment