 | |
| Kamanda wa Umoja wa Vijana wa CCM (UVCCM) wilayani Kahama, Elias Kuandikwa (kulia) na msaidizi wake Ezekiel Maige (katikati) muda mfupi baada ya kusimikwa na Naibu Katibu Mkuu wa CCM Taifa, Mwigulu Nchemba kuwa makamanda wa UVCCM Kahama. |
 |
| Naibu Katibu Mkuu wa CCM Taifa, Mwigulu Nchemba akiwahutubia wana CCM mjini Shinyanga muda mfupi baada ya kusimika makamanda wa UVCCM mkoani Shinyanga. |
IMEELEZWA
kuwa Chama cha Mapinduzi (CCM) kinaweza kuendelea kuongoza nchi kwa kipindi
kirefu zaidi iwapo vijana wake (UVCCM) watasimama kidete katika kutekeleza majukumu
yao kwa kuzingatia katiba, kanuni na mipaka ya kazi zao.
Hayo
yamebainishwa na mmoja wa makamanda wa Umoja wa Vijana wa CCM
(UVCCM) Elias Kuandikwa alipokuwa akizungumza na waandishi wa habari mjini
Shinyanga muda mfupi baada ya kusimikwa kuwa kamanda wa vijana wa wilaya ya
Kahama mkoani Shinyanga.
Kuandikwa
alisema chama chochote cha siasa duniani hutegemea zaidi nguvu za vijana wake ambao
wanapaswa kuhakikisha wanakinadi kwa
wananchi kwa kuzieleza kwa ufasaha sera na ilani yake ya uchaguzi ili kiendelee kukubalika na kuongoza dola kwa kipindi kirefu.
Alisema
katika kipindi hiki cha uchaguzi wa serikali za mitaa na uchaguzi mkuu
utakaofanyika mwakani vijana ndiyo wanaopaswa kuwa mstari wa mbele katika
kuwanadi wagombea wa CCM kwa wananchi na kuelezea mambo yote mazuri
ya maendeleo yaliyokwishafanyika maeneo mengi nchini chini ya serikali ya CCM.
“Nitumie
fursa hii kuwaomba vijana wote wa CCM hapa mkoani kwetu wahakikishe wanasimama
kidete kukipigania chama chao pamoja na kuteleza shughuli zote za chama kikamilifu,
waelewe wao ndiyo nguzo muhimu ndani ya chama, ni wapiganaji wa kwanza katika
mambo yote hivyo wasibweteke, kujihesabu tu kuwa ni vijana wa CCM, haitoshi,”
“Lazima
waoneshe vitendo hasa katika kipindi hiki cha kuelekea katika chaguzi za
serikali za mitaa na uchaguzi mkuu mwakani, sisi vijana ndiyo tuwe mstari wa
mbele katika kunadi sera za chama chetu na ilani yetu ya uchaguzi, nina imani
tukitimiza wajibu wetu, CCM itaendelea kuongoza hata milele,” alieleza
Kuandikwa.
Kwa
upande mwingine kamanda huyo wa vijana aliwaomba viongozi wengine ndani ya
chama kuacha tabia ya kuwatumia vijana kwa muda wakati wa vipindi vya uchaguzi
ambapo uzoefu unaonesha mara baada ya uchaguzi hizo kukamilika huwaacha
solemba bila ya kuwawekea mazingira yatakayowawezesha kufanya kazi.
“Pamoja
na kuwataka vijana wawe mstari wa mbele katika kukitetea chama lakini pia ni
vyema kwa viongozi wetu wakuu ndani ya chama wawe na mipango madhubuti ya kuwasaidia vijana hawa ambayo
itawawezesha wawe na shughuli za kuwaingizia kipato hasa pale
wanapomaliza majukumu muhimu wakati wa uchaguzi,” alieleza.
Akizungumza
kuhusu viongozi watakaochaguliwa kwa tiketi ya CCM kuongoza serikali ngazi ya
vitongoji, mitaa na vijiji wahakikishe wanatimiza wajibu wao kwa kutekeleza
ahadi zote wanazitoa hivi sasa kwa wananchi kupitia mikutano ya kampeni na kwamba kiongozi bora ni yule anayetimiza
wajibu wake kwa waliomchagua.
Kuandika
alisema kiongozi anaposhindwa kutekeleza wajibu wake ndiyo chanzo cha wananchi
kukichukia chama kinachoongoza serikali na kwamba yeye binafsi atatumia nafasi
aliyopewa ya ukamanda wa vijana kuhakikisha viongozi wote katika wilaya yake
wanatimiza wajibu wao kama walivyoahidi kwa wananchi.
Mwisho.
Post a Comment